，一样是叫“跷脚”，孙家姆妈叫伊，前头加上一个“小”字，少一个“喂”字好像就亲切交关。跷脚女人就欢喜听。
而且，孙家姆妈时常会让跷脚女人帮伊带点小菜回来，回头，小菜铜钿一分不会少，还总归会多给跷脚女人加两钿跑脚铜钿，跷脚女人就觉得孙家姆妈是个好人。鬼使神差地就去寻了16号里的孙家姆妈，把赤佬男人哪能当了逃犯，近一腔要回来的事体跟孙家姆妈一五一十地统统都讲了个清清爽爽。
孙家姆妈平常没有听说过跷脚女人结过婚，伊啥地方来的男人？现在一听到跷脚女人突然讲起有了男人，已经一惊，心想，肯定是个野路子男人，是非法男女关系。接下来又听讲到这个男人是个逃犯，更加惊得不轻，表面上对跷脚女人讲：“侬不要怕，我来帮侬想办法。”孙家姆妈一上来，先稳牢了跷脚女人，然后好言相送跷脚女人。
跷脚女人摸不透底细，跟孙家姆妈摊了底牌，肚皮的心事一吐为快，又有人肯帮自家作主，像寻到了依靠，心里轻松了，欢欢喜喜回去了，当天夜饭吃了两碗泡饭，当夜觉也困得着觉了。
本小章还未完，请点击下一页继续阅读后面精彩内容！